- சத்தியமா சொல்லுறோம், இவருதான் 'ஹீரோ', அவருதான் 'வில்லன்' அப்படி ரெண்டுபேரையும் டைட்டில் போட்டு அறிமுகபடுத்திட்டு, 'ஹீரோ' எல்லா வகையான அயோக்கியத்தனத்தையும் செய்யுமாறும், 'ஹீரோ' செய்யுற அநியாயத்த எதிர்த்து 'வில்லன்' அவரோடு சண்டை போட்டு நியாயத்தை நிலைநாட்டி, எல்லோருக்கும் நல்லதே செய்யுறதாவும், ஒரு படம் எடுத்தால் ?
- சாலை மற்றும் ரயில் பாதை சந்திக்கும் இடங்களில் 'ரயில்வே கேட்' பார்த்திருக்கிறோம்.. அங்கு, ரயில் வண்டி முதலில் வந்து நின்று கொண்டு, வரப்போகும் பஸ், லாரிகளுக்காக காத்திருந்து (முன்னுரிமை 'சாலை வாகனங்களுக்கு') அவைகள் சென்றபின், ரயில் செல்ல 'கேட்' திறந்து வழி விட்டா ?
- ரயில் பயணக் கட்டண முறையில் சாதாரண படுக்கை (sleeper class ) வகுப்பு மிகவும் அதிகமாகவும், மூன்றாம் வகுப்பு (III AC )குளிரூட்டப் பட்ட பெட்டியில் பயணிக்க அடுத்தபடியாகவும், II AC குறைந்த கட்டணத்திலும், I AC மிகக் குறைந்த கட்டணத்திலும் அமைந்தால் ?
- இப்பெல்லாம் யார் யாருக்கோ (கவுரவ) டாக்டர் பட்டம் கொடுக்கறாங்க.. முக்கியமா ஆட்சியாளர்களுக்கு டாக்டர் பட்டத்தவிட, BBA , MBA போன்ற பட்டங்களை தந்தா ..? ( 'Ar' - Administrator, instead of 'Dr'-Doctor).
- புதுசா கார், பைக் வாங்கினா, எல்லோரும், 'treat' கேப்பாங்க.. எப்படி சார்.. ஏற்கனவே அவரு நெறைய செலவு பண்ணித்தான் அத வாங்கி இருக்கார்.. மேலும் செலவு வைக்குறது நல்லா இல்லை.. அதனால, யாராவது புதுசா ஏதாவது வாங்கினா, மத்தவங்க தான் அவருக்கு 'treat ' தரனும்.. இல்லையா ?
தேவையில்லாத பின் குறிப்பு : 'கைபேசி' இல்லாத / தெரியாத, எண்பதுகளிலேயே (1980s ) "ஒருவர் மற்றவருடன் தகவல் பரிமாறிக்கொள்ள ஒரு 'கையடக்கக் கருவி' இருந்தால் ?" என சர்வ சாதாரணமா யோசிச்சுப் பார்த்தவன் நான்.. நானே தான், நம்புங்க தோழர்களே..!
உங்கள் கருத்துக்களை பின்னூட்டமா போடுங்க.. என்னது பின்னூட்டம்லாம் போடத்தெரியாத.. நா சொல்லித் தாரேன்.. உதாரணமா... "மாதவா எப்பிடிடா இந்த மாதிரி யோசிக்குற.. என்னவோ.. போடா.."
