பதில் ப்ளீஸ்..

நாங்கல்லாம் சின்ன வயசில அம்பாசிடர் கார் தான் பெரும்பாலும் பாத்திருக்கோம். அதுக்கு அடுத்த படியா பிரீமியர் பத்மினி (பியட்). பியட்ல எனக்குத் தெரிஞ்சவரை ஒரே ஒரு மாடல் தான். ஆனா அம்பாசிடர்ல மூணு வகை.

முன்னால ஹெட்-லைட்டுக்கு கீழ சின்னதா இன்னொரு லைட்டு படுக்கைவசத்துல கிட்டத்தட்ட ஓவல்ஷேப்ல இருந்தா அது ஒரு வகை, 'Mark-II'. அந்த லைட்டு வட்டமா இருந்தா 'Mark-III'. சதுரமா இருந்த 'Mark-IV'. 

எனக்கு இத என்னோட கசின் சொல்லிக் கொடுத்தான். இதப் பத்தி தெரியாத நண்பர்கள் கிட்ட காரோட முன் பக்கத்தைப் பாத்தே அதுக்கு எத்தன Markனு சொல்லி சொல்லி அசத்துவோம்.

அது ஏன் 'Mark-I' ஒன்னு இல்லேன்னு தெரியல..! உங்களுக்குத் தெரிஞ்சா சொல்லுங்க.. 

இப்பலாம் நூத்துக் கணக்கான வகையில கார்கள்... ஒரே கம்பெனிகூட பல வகை கார்கள் அறிமுகப் படுத்துகிறது. நம்மளால வித்தியாசம் கண்டு பிடிக்க முடியல. இன்ட்ரெஸ்ட் இல்லை. ஆனா நம்ம பையன் இதச் சின்ன வயசில ஸ்கூல் நண்பர்கள் மூலமா பல கார்களைப் பத்தி தெரிஞ்சிக்கிட்டு.. காரைப் பாத்த  உடனே என்ன மாடல், என்ன கம்பெனி எல்லாமும் சொல்லிடுறான். இருந்தாலும் அவன் ஒரு கேள்வி கேட்டான் பாருங்க....

பையன் (என்னிடம்) : அப்பா ஒரு ரூமுக்கு எத்தன ஏ.சி(Air Condition) வேணும் ?
நான் : அது அந்த ரூமோட சைசப் பொறுத்தது. பெட்ரூமுக்கு ஒரே ஒரு ஏ.சி போதும்.
பையன் : கார் சைஸ் பெட்ரூமவிட  சின்னதுதான.. அதுக்கு ஏன் ஒரே ஒரு ஏ.சி போதாது ?
நான் : என்னடா சொல்ல வர்ற ?
பையன் : அங்க பாருப்பா அந்தக் காருக்கு எத்தன ஏ.சி.ன்னு பாருப்பா..!
அவன் காண்பித்ததை பார்த்தேன் அதில் எழுதி இருந்தது இதான்... ..

Maruti

 800  A.C.

--------------------------------------------------------------------------

பள்ளிக்கூட நாட்கள் அனுபவம்

இது ஷைலஜா அவர்கள் தொடர அழைத்தமைக்கான தொடர் பதிவு.

பர்ஸ்டு எடுத்த ஒடனே, எங்க தெருக் கோடில இருக்குற ஆரம்ப பள்ளியில தமிழ் வழிக் கல்விதான், நா ஸ்கூல் சேந்தது ஒன்னாப்பு கிளாஸ்லதான். நோ கே.ஜி. எட்செட்ரா.... ஆறு வயசுக்கப்புறமும் சேத்தாலும், ஸ்கூல் போக அழுவேணாம்(அழுவேன் நான்). பக்கத்து வீடு அங்கிள் என்ன மரக் குச்சியால அடிச்சு அடிச்சு வெரட்டி அனுப்பினது இன்னைக்கும் வலியோட ஞாபகம் இருக்கு. அப்பா தெரியாது.. சைல்ட் அப்யூஸ்ல அவர் மேல கேஸ் போடலாம்னு.. என்னதான் இருந்தாலும்... அடிச்சு அடிச்சு வெரட்டினது தப்புத்தான..? சரி போனா போவட்டும் அந்தாளு பொழச்சு போவட்டும். 

ரெண்டாம் கிளாஸ் படிச்சப்ப... அழுவாம ஸ்கூல் போக ஆரம்பிச்சேணாம்.  அந்த வருஷம் ஒரு நாள்.. சாயந்திரம் ஸ்கூல் முடிஞ்சு வீட்டுக்கு வரும் பொது.. தெருவுல போயிட்டு இருந்த ஒரு மாட்டு வண்டிக்கு பின்னாடியே மெதுவா போயிட்டு இருந்தேன். அந்த கூடு கட்டின மாட்டு வண்டியில உக்காந்திருந்த பெரியவரு என்னையப் பாத்து கேட்டார் பாரு ஒரு கேள்வி.... படக்குன்னு பதில் சொல்லிட்டேன் நானு. உடனே அவரு பத்து காசு எனக்கு பரிசா தந்தாரு. வாழ்க்கையில எனக்கு சொந்தமில்லாத ஒருத்தரு தந்த மொதொப் பரிசு.. அது. அவரு கேட்ட கேள்வி 'எட்டுக்கால் பூச்சிக்கு எத்தன கால்'. அது 1979 -80 துல அதோட மதிப்பு இன்னைக்கு இருக்குற பத்து ரூபாய்க்கும் மேல இருக்கும்னு நெனைக்கிறேன்.

மூனாம்கிலாஸ் படிச்சப்பத்தான் ஆங்கிலம் ஆரம்பம். எங்கண்ணன் எனக்கு என் பெயர ஆங்கிலத்துல எழுத சொல்லிக் கொடுத்தாரு. அப்புறம்தான் எங்க கிளாசில எ.பீ.சி.டி எ நடத்தினாங்க. நல்லா பயிற்சி கொடுத்துட்டு ஒருநாள் எல்லாரையும் பாக்காம எ.பீ.சி.டி எதுதச் சொல்லி சரியா எழுதினா அவங்களுக்கு அவங்களோட பெயர ஆங்கிலத்துல எழுதச் சொல்லித் தர்றதா டீச்சரம்மா சொன்னாங்க. எனக்கு அத சரியா எழுதத் தெரியல.. எப்படியோ பிரண்டோட உதவியால, விட்டுப் போன நாலஞ்சு ஃஆல்பபெட்ட  காப்பி அடிச்சிட்டு.. கீழ என்னோட பெயர, நானே ஆங்கிலத்துல எழுதிட்டுப் போயி டீச்சர்கிட்ட சிலேட்டக் கொடுத்தேன். என்னோட பெயர எழுதி யுந்ததப் பாத்திட்டு என்ன ரொம்பவே பாராட்டினாங்க.. அண்ணன் சொல்லிக் கொடுத்ததா சொன்னேனே தவிர அந்த ஆல்பபெட் காப்பி மேட்டர சொல்லலியே...

நாலாங்கிளாஸ் படிச்சப்ப கிளாஸ் டீச்சர் (வகுப்பாசிரியர்) பெயர் 'நடன சார்'.  நடராஜன் அவரோட பேரு. தப்பு செஞ்சா தொடையில அடிப்பாரு . வேறேதும் ஞாபகம் இல்ல.

அஞ்சாம் கிளாஸ்ல சுந்தர ராவ், வகுப்பாசிரியர். அவர் தான் ஸ்கூல் ஹெட் மாஸ்டர். ரொம்ப  ஃசாப்ட். கதைலாம் சொல்லுவாரு. சாவியில ரெண்டு வகை இருக்கு. ஆண் சாவி & பெண்சாவி. உங்களுக்கு தெரியுமா ? அவரு சொல்லித்தான் எனக்குத் தெரியும். குழவி கொட்டினால் அதோட கொடுக்கு ஸ்கின்னுக்குள்ள இருக்குமாம். பெண்சாவி யூஸ் பண்ணி அந்த கொடுக்க வெளிய லாவகமா எடுத்திடலாமாம். அஞ்சாம் க்ளாஸ்லையே எம்.பி.பீ.எஸ் ரேஞ்சுக்கு படிச்சவங்க நாங்க.. ஆண்சாவி முனையில மூடி இருக்கும். பெண்சாவி முனையில உல் பக்கமா குழிவா இருக்கும். இப்பலாம் கம்பியூட்டர் கனெக்ஷன் ஒயர்ல மேல் பின், ஃபீமேல் பின் அப்படிலாம் சொல்லுற மாதிரி.

இதுவரைக்கும் குழைத்தனமா செஞ்சதுனால, சொன்னதுனால படிக்குறதுக்கு நல்லா(!) இருந்திருக்கலாம்.. நீங்க அடிக்க வர மாட்டீங்க. அதனால ஆறாம் வகுப்புலேருந்து நா அடிச்ச லூட்டியலாம்சொல்லி உங்கள போரடிக்காம.. விட்டுடுறேன்.

சாராம்சம் :

1. ஆரம்பக் கல்வி தமிழ் மீடியம்.
2. இரண்டாம் நிலையிலிருந்து ஆங்கில மீடியம். 
3. 1C, 2A, 3A, 4A, 5A, 6D, 7 to 12  - A section.  ஆக பெரும்பாலும் 'எ' கிளாஸ்ல படிச்சவனாக்கும் நானு.

-----------------------------------------------------
டிஸ்கி : டீச்சரம்மா நீங்க சொன்ன ஹோம் வோர்க்கு செஞ்சிட்டேன். இது போதுமா.. இன்னும் வேணுமா ?

மாத்தி யோசி.. வெளையாடு

சின்ன வயசில, எங்க வீட்ல கேரம் போர்ட்  & காயின்ஸ் கெடையாது.. பிரண்டு கொடுத்த ஒரே ஒரு ஸ்டைக்கர்  மட்டும் இருந்திச்சு. வீட்டு ஹால்ல தரையில சதுரமா ஒரு டிசைன் இருக்கும் ... சிவப்பு (1) கருப்பு (9) வெள்ளை (9) கலருல சோடா மூடி சேகரிச்சு நாங்க சோடாமூடிகள நடுவுல அடுக்கிவெச்சு (கேரம் போர்டு மாதிரி) ஸ்டைக்கரால  அடிச்சு சதுரத்துக்கு வெளியில தள்ளணும். அப்படி தள்ளி விட்டு காயின கலெக்ட் பண்ணி ஆடுவோம்.

கீழ இருக்குற படங்கள பாத்த ஒடனே அதுதான் ஞாபகம் வந்திச்சு.. ஏழைக்கேத்த எள்ளுருண்டை..  ஆமாம்..

இருந்தாலும் என்னதொரு கிரியேடிவிட்டி.., எங்க சோடாமூடி கேரம்போர்டையும் சேத்துத்தான்.. 

இ -மெயிலில் இன்று :

ஒரு மாறுதலுக்காக ஸ்பேம் மெயில் ஓபன் செய்து பார்த்தேன்.. அடேங்கப்பா.. 24  மணி நேரத்துல ..  என்னைய கோடீஸ்வரன் ஆக்கிட்டுதான் மறுவேலைன்னு  நாலு மெயிலு இருந்திச்சு...

1) Hello Dear Friend,

I am Colonel Brian D. Kent American Combat Soldier group of 50,000, 00 combatant, left behind in Iraq for advisory and assistance to Iraqi Forces after the Handing over to Iraq Peace Keeping Force. During my services, i was able to secure Three Million Five Hundred Thousand Dollar($3.5 million U.S Dollars) which is my own share of the money we shared among ourselves that belongs to Saddam Hussein and his family. I have carefully arrange the said fund in a military consignment trunk box.


Could you be trusted? Can You help me keep this box till I am back from the Camp in Baghdad Iraq in March. 2012, Since Our Final
 Troops is leaving Iraq 2012 March, could you be trusted? kindly send me your name and mobile number for easy communication. I will only highlight you more on this issue when i hear from you.

அந்த மூணாவது மெயில இந்தாளுக்கு பார்வேர்ட் பண்ணனும் போல.. (டவுட்டு கேக்குறான் பாரு..)

2) Dear Lucky Winner,

Your Email ID was selected online in this week's HEINEKEN PREMIUM
EMAIL LOTTERY/AWARD 2012

Your ID has a total sum of 1,000,000.00 GBP (One Million Great Britain Pounds)

இதை நம்ம ரூபாயில சொன்னா எத்தன சைபர் இருக்கும் ?

நம்ம இ-மெயில் அட்ரஸ்க்கு எவ்ளோ மதிப்பு  பாத்தீங்களா.. ?

3) DEAR SIR,

MY NAME IS MR. SMITH HARRISON

I got your esteemed contact during my comprehensive search for a
reliable and trustworthy individual in your country . I am a medical doctor working with NATO currently in Libya. I have some money I made in made from Late President Muammar Gaddafi s compound. I have kept it as secret for a little while and I need someone I can trust and work with to enable me transfer the fund to his/her account for partnership in investment. Please I will need your help on this for I can forfeit 20 present of this money to make

I will be reviling the said amount immediately you give me with your word of
confidence to go ahead for this is a very huge amount of money..........


எலேய்.. இன்னுமா என்ன இந்த உலகம் நம்புது ?

4)

Bank of America

	Online Banking Alert

Security Checkpoint: Remember: Always look for your SiteKey® before entering your Passcode.

Due to concerns, for the safety and integrity of your online account we have issued this warning message. It has come to our attention that your account information needs to be updated due to inactive members, frauds and spoof reports. We ask you to visit the following link to start the procedure of confirmation on customers data. To get started, please click HERE.

----------------------------
எனக்கு புரியாத ஒரே ஒரு விஷயம்... 'எவன்டா அவன்.. என் பேருல பேங்க் ஆஃப் அமேரிக்கா'ல அக்கவுன்ட் வெச்சிருக்கறது..? மொதல்ல எனக்கு பாஸ்வேர்டச் சொல்லுங்க ப்ளீஸ்..

டிஸ்கி : நா கோடீஸ்வரன் ஆகணும்னா எதுக்கு இவ்ளோ மெயில்... சன் டி.வி, விஜய் டிவி கோடீஸ்வரன் நிகழ்ச்சில கலந்துக்கிட்டா போதுமே..