நேரிசை வெண்பா : நேற்றைய பாடலோடு அந்தாதியாய்..*7ம் திருநாள், நெல் அளத்தல்* :
**************************************
செல்வாளே ஊர்ந்து, செழுமைசேர் மன்னையில்,
நெல்லின் மணிகள் நிலைத்திட - எல்லிபோகு
மாலைவெயில் வீச, மரக்கால் அளக்கும்
வேலையை நாடிநீ வேண்டு (7)
**************************************
#கோவிலில் நெல்அளத்தல் சிறப்பு, இன்று.
# எல்லி-போகு = கதிரவன்+போகும் (மறையும் வேளை)
புகைப்பட உதவி : ரங்கராஜன் ராஜகோபாலன்
5 Comments (கருத்துரைகள்)
:
திருவரங்கத்திலும் இப்படி நெல் அளக்கும் திருவிழா உண்டு. இது வரை பார்த்ததில்லை.
நன்றி. தாங்கள் விரைவில் நேரில் காண அரண்கள் அருள் புரியட்டும். பெருமாள் கோவில் பிரதம திருவிழா, 7ம் திருநாளில் நெல் அளப்பது மரபு.
நிறைதிட்டு - வார்த்தை சரியில்லை.
நெற்கதிர் - இது மொத்தமாக கதிரோடு இருப்பதற்குத்தான் பெயர். அளப்பது நெல் மணி. அதற்கேற்ப வெண்பா மாறவேண்டும்.
(குறை சொல்றேன்னு தப்பா நினைக்காதீங்க. வெறும்ன 'அட்டஹாசம்', 'நல்லாருக்கு' என்று எழுதாம படிச்சுப் பார்த்து எனக்குத் தோன்றுவதை எழுதுகிறேன்)
'நெல்லின் மணிகள் நிலைத்திட'
இது பொருந்துமா ?
தங்களின் கருத்து எனக்கு ஊட்டமே. திருத்தி எழுதி சீராக்க உங்கள் கருத்து பயனளிக்கிறது.
செல்வாளே ஊர்ந்து, செழுமைசேர் மன்னையில்,
நெல்லின் மணிகள் நிலைத்திட - நாளேழின்
மாலை நேரத்தில், மரக்கால் அளக்கும்
வேளையில் பணிந்துநீ வேண்டு
Post a Comment