சினிமா பாத்த சின்னப் பொண்ணு..

ஓசில.....எந்திரன் படம் பாத்துட்டு வந்த, என்னோட மூன்றரை வயது (அதான் டிக்கெட்டு வாங்கல) மகளிடம் ஒரு சின்ன பேட்டி....

நான் : ஹாய் செல்லம்.. படம் பாத்தியா ?
மகள் : ம்ம்ம்..

நான் : எப்புடி இருந்துச்சி..
மகள் : சூப்பரா இருந்துச்சி..

நான் : கதைய சொல்லேன்..
மகள் : கதையா.... .ம்...ம்....ம்..
ரெண்டு ரஜினி.. ஒரு 'அங்கிள்' ரஜினி.............. ஒரு 'ரோபோ' ரஜினி .........
'ரோபோ' ரஜினி, 'அங்கிள்' ரஜினி மாதிரியே பேசும்...... ஆடும், பாடும்,
ம்ம்..... ம்ம்..... காரு கூட ஓட்டும்.. பைட்டு பண்ணும்..
டிரெயின் ஸ்பீடா போகச்சே, ரிவர்ல குதிச்சி, ஆண்ட்டியோட ஹேண்ட்பேக எடுத்துக்கிட்டு வந்து ஆண்ட்டிகிட்டே தரும்..

நான் : ஆண்ட்டியா?... ஆண்ட்டியோட பேரு தெரியுமா ?
மகள் : அதெல்லாம் தெரியாது, நீ போயி அம்மாகிட்ட கேட்டுக்கோ..
(எனக்குள் : அம்மாகிட்ட ஐஸ்சப் பத்தியா.... வேண்டாம்டா சாமியோவ்..)

ம்ம் ம்ம்.. அப்புறம். .. டிரெயின் டிராக்குல ஓடி........ டிரேயிணுல.. 'பேட் பாய்ஸ்' கூட சண்டைலாம் போடும்......

ஆனா.. அது ஏதோ சொல்லும்.... அதனால 'அங்கிள்' ரஜினி அத வெட்டி 'டஸ்டு- பின்'னுல போட்டுடுவாரு....

அவ்ளோதான்.. அதுக்கப்புறம் நா தூங்கிட்டேன்....

நான் : அப்புறம் எப்போ முழிச்சிக்கிட்டே ?

மகள் : நெறையா 'ரோபோ' ரஜினி வந்துடும்..... எல்லாம் சண்டை போடும்....
'அங்கிள்' ரஜினி தான் ஜெயிப்பாரு.. அப்புறம் 'ரோபோ' ரஜினி.. சட்டை, பேண்டு, தலையாலாம் அவுத்துட்டு தூங்கிடும்.... அவ்ளோதான்..... அப்புறம்.. அம்மாவோட வீட்டுக்கு வந்துட்டேன்.....

டிஸ்கி : பாதி உண்மை... மீதி என் கற்பனை..

பிடித்த 'பத்து'(10 , Ten ) படங்கள் ' - தொடர் பதிவு

 சகோதரி  அநன்யா அவர்கள் ஒரு தொடர் பதிவிற்கு பொதுவான அழைப்பு விடுத்திருந்தார். அதன் படி, எனக்குப் பிடித்த 'பத்து'(10 , Ten ) படங்களை கீழே தந்துள்ளேன். நான் செய்ய நினைத்த காமெடி இங்கு இருக்கிறது.. தொடர் பதிவாக. இப்போது இந்த பதிவு உண்மையிலேயே சீரியஸ் என்று உறுதியளிக்கிறேன்.

எனக்கு காமெடி படம்தான் ரொம்ப பிடிக்கும். ஆமாங்க. வாழ்க்கையில பல விதமான கஷ்டங்களையும், சண்டை சச்சரவு, வன்முறை, தீவிரவாதம் (violence )  எல்லாத்தையும் அன்றாடம் டிவிலயும் , பேப்பர்லயும்  பாக்குறோம். அந்த வகையில காமடி படம் தான் நல்ல பொழுது போக்கு அல்லவா ?
இப்போதைக்கு  ஒரு 10 படங்களை சொல்லுகிறேன்.. இந்த 10 படங்கள் தான் எனக்கு பிடிக்கும் என நினைக்கவேண்டாம்.

1. காதலிக்க நேரமில்லை (அந்த காலத்திலேயே  இப்படி ஒரு காமெடி படம்.. நல்ல சிந்தனை, திரைக்கதை..)
2. தில்லுமுல்லு (ரஜினியின் கலாட்டா   -- இந்திரன், சந்திரன்.. செம சூப்பர்பா..)
3. மைக்கேல் மதன காமராஜன் (3 - 4 முறை பார்த்த பின்னர்தான் குழப்பம் தீர்ந்தது..  அப்படி ஒரு சிக்கலான காமெடி -- கிரேசி.. )
4. உள்ளத்தை அள்ளித்தா (ஹா ஹா ஹா.. ரெண்டு நாளைக்குமுன் டிவில  மீண்டும் ஒருமுறை பார்த்தேன்.  ரசித்து பார்க்கத்தூண்டும் படம்).
5. காதலா காதலா (அல்லா பெரும்[எல்லோரும்], நல்லா பண்ணியிருப்பாங்க. அப்படி ஒரு டீம் வொர்க். முக்கியமா கிரேசி மோகன் வசனங்கள் )
6. பஞ்சதந்திரம் (ஒவ்வொரு வசனமும் சிரிக்க வைக்கும்..  உதா :'முன்னாடி', 'பின்னாடி', 'கண்ணாடி' etc ..... சான்சே இல்லை.. கிரேசி மோகனால்தான் இது முடியும்)
7. தெனாலி (நல்லா சிரிக்க வைக்கும்..  மறுபடியும்..  கிரேசி மோகனால்தான் இது கூட)
8. ஜோடிநம்பர்-1 (ஹிந்தி  -- கோவிந்தா படத்துல காமெடிக்குப் பஞ்சம் இல்லீங்கோ.. லாஜிக்க மட்டும் எதிர்பாக்கக் கூடாது.)
9. ஹேராபேரி   (ஹிந்தி - பரேஷ் ராவல், சுனில் ஷெட்டி, அக்ஷைகுமார்  -- 'காமெடி trio'. தமிழில் வந்த 'அரங்கேற்ற வேலை'  தழுவல்.)
10.  முஹம்மது பின் துக்ளக் -- (காலத்தின் கோலத்தை, 'சோ. ராமசாமி' பல வருடங்களுக்கு முன்னரே துல்லியமாக சொல்லிய, சிரிப்பூட்டும் படம்)

மேலும் தொடர, இவர்களை அழைக்கிறேன், விருப்பமிருந்தால் இடுகை இடவும்.

1. தீராத விளையாட்டு பிள்ளை (RVS).
2. பெயர் சொல்ல விருப்பமில்லை
3.  சாய்ராம் கோபாலன்
4.  _______________  (அட நீங்க  தான்  .. ரெடி ஜூட்..)