எரிவாயு உருளை

உங்களுக்குத் தெரியுமா?

அனேகமாக எல்லோர் வீடுகளிலும் சமையல் எரிவாயு பயன்படுத்தப் படுகிறது. அரசே இலவசமாக விநியோகித்து வருகிற வேளையில் அந்த உலோக உருளையை பற்றிய ஒரு செய்தி இதோ.



மேல் பக்கத்தில் உள்ள வலையித்தினை உருளையுடன் இணைக்க மூன்று பட்டைகள் இருக்கும். அவற்றுள் ஒரு பட்டையின் உள்புறத்தில் ஆங்கில அகராதியின் முதல் நான்கு எழுத்துக்களில் ஒன்று முதலிலும் பின் இரண்டு இலக்க எண்னும் இருக்கும் (உதாரணம் A-12). அதன் அர்த்தம் யாதெனில், அந்த உலோக உருளையின் பயன்பாடு மார்ச் 2012 வரை மட்டுமே, (அதற்குப் பிறகு அந்த உருளைக்கு தரச்சான்று மீண்டும் பெறவேண்டும்.......  மேலும் விவரத்திற்கு லக்ஷ்மிநாராயணன் அவர்களின் பின்னூட்டத்தினை படிக்கவும்). A, B, C & D முறையே முதலாம், இரண்டாம், மூன்றாம் மற்றும் நான்காம் காலாண்டுகளை குறிக்கும்.

A - March 31
B - June 30
C - September 30
D - December 31

பின்வரும் இரண்டு இலக்க எண் வருடத்தினையும் குறிக்கும்.

பின்குறிப்பு :
மின்னஞ்சல் வாயிலாக, ஒரு நண்பனிடமிருந்து வந்த தகவல். அந்த நண்பனுக்கு எனது மனமார்ந்த நன்றிகள். மேலும் விவரம் (பின்னூட்டமாக) அளித்த லக்ஷ்மிநாராயணன் அவர்களுக்கும் மிக்க நன்றி.