விடை தெரியாத கேள்விகள் - II

  
 

நாள் முழுதும் அலுவலகப்பணி அதிகமிருந்ததால், மிகவும் களைத்துப்போய்,   வரவேற்பறையில் இளைப்பாரிகொண்டிருந்த வேளையில், துள்ளிக் குதித்து வீட்டினுள் வந்தான்  என் 5 வயது செல்லக் குட்டி (மகன்).


அவனோடு தொடர்ந்து உள்ளே வந்தது, ஒரு பட்டாம் பூச்சி (Butterfly). சிறகடித்து பறந்த அந்த பட்டாம் பூச்சியை பார்க்கையில், என்ன ஒரு இன்பம், நமக்கு கூட. என் மகன் ஆனந்தமாய் அந்த பூச்சியை கண்டு களித்து கொண்டிருந்தான்.

அந்தி சாய்ந்துவிட்டதால், மின் விளக்கு வீட்டினுள் ஒளிர்ந்து கொண்டிருந்தது. மின் விளக்கால் நமக்கு என்ன ஒரு பயன்..  ஆனால், அந்த மின் விளக்கு யாருக்காவது சோதனையாக இருக்க நேரிடுமோ? ஆம், அந்த மின் விளக்கால், பட்டாம்பூச்சிக்கு வந்த சோதனையை சொல்லி மாளாது.

மின் விளக்கு கண்டு, அந்த பட்டாம் பூச்சி அதனை நோக்கி செல்ல, அத்தகைய வருகையை எதிர்பார்த்து காத்திருந்த பல்லி, ஒன்று திடீரென பாய்ந்து, சுலபமாக அந்த பட்டாம் பூச்சியை பிடிக்க எத்தனித்த பொது, அதனை உணர்ந்த பூச்சி அங்கும் இங்குமாக பறக்க .. ஒரு  சிறிய போட்டி நடந்து கொண்டிருந்தது.

பார்த்துக்கொண்டிருந்த எனக்கு என்ன செய்வது என்று புரியவில்லை..   பட்டாம் பூச்சியை காப்பாற்றினால், புண்ணியம் கிடைக்கும் வேளையில், பல்லியின் உணவை தடுத்த பாவமும் சேருமோ?  அதே போல், பல்லியின் உணவை  தடுக்கா விட்டால், புண்ணியம் கிடைக்குமா அல்லது, பட்டாம் பூச்சியை காப்பாற்றாத பாவம் சேருமா என குழப்பத்தில்  இருக்கையில் எல்லாம்  முடிந்து விட்டது. அந்த  பல்லியே வெற்றி கொண்டது.

இறைவனின் படைப்பில் இப்படி ஒரு போட்டி தேவையா? யாருக்குத் தெரியும் ? இறைவனின் ஒவ்வொரு செயலிலும் காரணம் கண்டிப்பாக இருக்கும் என நம்புவன் நான்.

அனால், ஒரு விஷயம் நிச்சயம், நான் சிபி சக்கரவர்த்தி இல்லை !

அது மட்டுமல்ல, இப்படி ஏன் நடந்தது? எனக்கேட்ட, என் மகனிற்கு என்னால்  விடை சொல்லத் தெரியவில்லை.. !!