இதப் படிங்கல ...

எல்லா  பொருளோட விலையும் வானத்த தொடுறமாதிரி ஒசந்துக்கிட்டே இருந்தாலும், பாருங்க எலக்ட்ரானிக் ஐடெம்  வெலை கொறஞ்சிகிட்டே வருது. அப்படி இல்லைன்னா  பழைய வெலையில புதுசு புதுசா 'features ' வருது. (முன்னுரை போதும்)

போன மாசம், சென்னைக்கு போயிட்டு வந்தேங்க, சொந்த வேலையா. சொந்தக் காரங்க வீட்டுல தங்கினப்ப, அவங்க வீட்டு வேலைக்காரன் கையில ஒரு 'கைபேசி' .. அட அது பெரிய விஷயமில்லீங்க.. அந்த ஹான்ட்செட்டுல பெரிய சைஸு டிஸ்ப்ளே  இருந்திச்சி , key-pad இல்லை.

மெதுவா அவனுகிட்டே பேச்சு கொடுத்தேன்..
"எங்க வாங்கினீங்க இதை ?", நாங்கேட்டேன்.
"பர்மால, பஜாருல", அவரு பதில் சொன்னாரு.

நா எனக்குள்ள நெனைச்சி கிட்டேன், "நாமலாம், மிஞ்சிப் போனா பக்கத்து ஸ்டேட்டுக்குதான்  போயிருக்குறோம், இவரு பக்கத்து நாட்டுக்கே போயிட்டு வந்திருக்காரு. அதுவும், இந்த மாதிரி வேலை செஞ்சிகிட்டு, பாஸ்போர்டு விசா-லாம் எடுத்துக்கிட்டு செலவு செஞ்சு 'பர்மா' வரைக்கும் போயி.. அங்கிட்டு ஷாப்பிங் பண்ணிட்டு வந்திருக்காரு.. ஃபாரின் ரிட்டன்..". அதான் 'அவனுகிட்டே'னு ஆரம்பிச்சத, உடனே 'அவரு .. ', மாத்திட்டேன்.

"ஒங்க (மரியாதை.. மரியாதை) 'கை-பேசி' நா பாக்கலாமா ? ", கேட்டேன் அவருகிட்ட. 

"வாயாலதான் பேசுவேன்ல  (திட்டுவேன்).... யாரையும் அடிக்க மாட்டேன்ல. சரில என்ன தப்புல..  யாருல தப்பு பண்ணதுல, தெரிஞ்சாத்தான்ல பேசுவேன்-ல ?", சொல்லிகிட்டே கேட்டாரு இப்படி.

[ எனக்குள் : " ஓ !, 'கை-பேசி'க்கு அப்படி ஒரு அர்த்தம் இருக்குதோ ?" ]

"அட அதில்லீங்க, ஒங்க கையில இருக்கே, அதப் பாத்துட்டு தாரேன்", நான்.

செட்ட வாங்கி பாத்தப்போ, அதுல 4G -5G னு  இனிமேதான் வரலாம்னு இருக்குற எதிர்கால அப்ளிகேஷன் கூட இருக்குறது புரிஞ்சுது..  ரொம்ப காஸ்ட்லியான ஐடெம் மாதிரி பட்டுச்சி.

"என்ன வெலை இது ?"
(ஜெனரல் நாலட்ஜுக்குதான் கேட்டேன்)

"இதுவால, ஆயிரம்ல", அவர் சொன்னாரு.

என்னல  புரியுதால ஒங்களுக்கு..?
அவரு அடிக்கடி 'ல' போட்டு பேசினப்பவே நா யோசிச்சிருக்கணும்ல  .. இது 'பர்மால, பஜாருல' வாங்கினது இல்லை'ல'..  நம்ம 'பர்மா பஜார்'ல த்தான் வாங்கினதுல !
------------------------------------------------------------