ச்செஸ் - என்னிடம் தோற்ற கணணி

நான் சுமாராக சதுரங்கம், அதான் ச்செஸ் விளையாடுவேன். எனது அண்ணன் தேசிய அளவில் சதுரங்கப் போட்டிகளில் கலந்து ஒரு சில பரிசுகளை வென்றிருக்கிறார். பில்டப் போதும்னு நெனைக்கிறேன்.

என்னதான் கணணி ச்செஸ் நல்லா வெளையாடும்னாலும்....  நா அதத் தோக்கடிக்க செமையான ஐடியா கண்டுபுடிச்சிட்டேன்.... அதான், கணணிக்கிட்ட அடிக்கடி தோத்துப்போற ஒங்கள மாதிரி ஆளுங்களுக்கு இனிமே கவலையே இல்லை.. சொடக்கு (சுடோக்கு இல்லை.. அது வேற வெளையாட்டு..) போட்டு நீங்க கணணிய  ச்செஸ் ஆட்டத்தில தோக்கடிக்கலாம். உங்களுக்கு கெடைச்ச காய்கள்(பீசெஸ்) வெள்ளையா கருப்பா அது முக்கியமில்லை.. எது கெடைச்சாலும் நா சொல்லுறபடி நீங்க ஃ பாலோ பண்ணீங்கன்னா வெற்றி ஒங்களுக்குத்தான்.  

உதாரணமா நீங்க வெள்ளை காய்கள உங்களுக்கும், கருப்பு காய்கள  கணணிக்கும்    ச்சூஸ் பண்ணதா ஒரு பேச்சுக்கு வெச்சுப்போம். மொதல்ல சாதரணமா அமெச்சூர் மாதிரியே ஒரு சில மூவ் பண்ண ஆரம்பிங்க.. அப்புறம் ச்சான்ஸ் எவ்ளோ சீக்கிரம் கெடைக்குதோ அவ்ளோ சீக்கிரம் உங்களோட குவீன (இராணி) தியாகம் பண்ணுங்க.. கணணி யோசிக்க ஆரம்பிக்கும்.. பின்ன யாராவது அவ்ளோ ஈசியா வேணுமின்னே  'சக்' (sack) பண்ணுவாங்களா... கணணி அப்படி கன்பியூஸ் ஆகும்போது அடுத்து  பிஷப்,(மந்திரி)  ரூக்(யானை), நைட்(குதிரை)   அப்படீன்னு ரெண்டு மூனு பீஸ்களை  காவு கொடுத்துடுங்க.. ஆனா ஜாக்கிரதை.... அதுக்குள்ள நீங்க தோத்துடக்கூடாது.... ஓரளவுக்கு நீங்க நெறைய கைகளை காவு கொடுத்துடணும்.. 

கிட்டத்தட்ட வெள்ளைக்காக ஆடுறவர் (நீங்கதாங்க..) தோக்கப் போற நேரம் வருதான்னு பாத்துக்கிட்டே இருக்கணும் (ரொம்ப கவனமா இருக்கணும்.. தோத்துடக் கூடாது).....  வந்துச்சின்னா உடனே நம்ம ஐடியாவ எடுத்து உட்டுட வேண்டியதுதான்.. அதேன்னவா..?

சட்டுன்னு, கணணி வெள்ளை காய்களுக்கும் நீங்க கருப்பு காய்களுக்கும், ஆடுற மாதிரி செட்டிங்க மாத்திடணும். அப்புறம் பாருங்க.. நீங்க தான் வின்னர்..

எப்படி நம்ம ஐடியா ? இதே பாணில ஒரு அம்பதுக்கும் தடவைக்கும் மேல கணணிய தோக்கடிச்சிருக்கேன், என்ன சொல்லுறீங்க என்னோட தெறமயப் பத்தி..?

ஆடும்போது நடுவுல, வெள்ளை - கருப்பு இண்டர்சேன்ஜ்  ஆப்ஷன்  உங்க கணணி ச்செஸ் சாஃப்ட்வர்ல இல்லியா ? பரவாயில்லை, நீங்க தோக்கக் கூடாது அதுதான, அப்ப கருப்பு வெள்ளை ரெண்டுக்குமே கணணியே  (மெஷின்) விளையாடும்படி செய்துடுங்க.. நீங்க தோக்கவே மாட்டீங்க..  கணணி தோத்துடும்..

அந்த ஆப்ஷனும் இல்லியா.. பரவாயில்லை.. நீங்க தோக்குறா  மாதிரி  ஆயிட்டா, கணணிய ஷட் டவுன் பண்ணிடுங்க.. தோக்காம தப்பிச்சிடலாம்..
---------------------------------------