வலைச்சர ஆசிரியர் அனுபவம் --

சென்ற டிசெம்பர் 13 ம் தேதி முதல் வலைச்சரத்துல நான் ஒரு வார கால ஆசிரியர் பொறுப்பு ஏற்று எழுதினது உங்களில் பலருக்கு தெரிந்திருக்கலாம். எனக்கு ரொம்ப ராசியான நம்பரு 13 . 

• **** ^^^ 13 ம் தேதி தான் என்னோட கல்யாண நாள் (டிசெம்பர் அல்ல). 
• **** , அக்டோபர் 13 ம் தேதி, பிரமொஷனுக்கான நேர்முகத் தேர்வு நடந்து பதவி உயர்வு கிடைத்தது. 
• முக்கியமான அலுவலக  அசைன்மென்ட் 13 மார்ச் **** ல ஒரே நாளுல வெற்றிகரமா முடிச்சேன்.

இந்த வகையில நான் வலைச்சரத்துல 13 ம் தேதி முதல் எழுதினது ரொம்ப ராசியா உணர்ந்தேன்.

வலைச்சரத்துல நான் எழுதின வாரமான டிசெம்பர் 13 முதல் டிசெம்பர் 20 வரை வழக்கமா நா, பாலோ பண்ணுற பிலாகலாம் படிக்க முடியலை... என்னோட  நண்பரு ஒருத்தரு , நா அவரோட பிலாக பாலோ பண்ணுறத நிப்பாட்டிடேனானு கேட்டாரு. அந்தளவுக்கு நா பிசியா இருந்தேன்.

முடிஞ்சவரை வலைச்சரத்துல எழுதின பதிவுக்குலாம் வந்த காமெண்டுகளுக்கு பதில் கமெண்டு போட டிரை பண்ணேன்.. இருந்தாலும் ரெண்டு மூனு பதிவத் தவிர எதுவும் 70 கமேன்டத் தாண்டலை..

எனக்கு முன்னாடி எழுதின பன்னிக்குட்டு ராமசாமி எப்படித்தான் எல்லா போஸ்டுலேயும் சளைக்காம பதில் எழுதினாரு, தெரியலை. அவரோட தேறமையே தனிதான்.

நன்மைகள் :

• பலதரப் பட்ட பதிவுகள செலெக்ட் பண்ணுறதுக்காக படிச்சேன்.
• என்னோட வலைப்பூவுல 10 பர்சென்ட் பாலோயர்ஸ் அதிகரிச்சாங்க..

தீமைகள் (!):
தினமும், 'நெட்'டுல ரொம்ப நேரம் ஒக்காந்ததுனால.. வீட்டுல நல்லா திட்டு  வாங்கினேன்.  இருந்தாலும் தங்ஸுகிட்ட   "ஒரு வாரம்தான.. பிளீஸ்", போட்டு பெர்மிஷன் வாங்கினேன். அடுத்த ரெண்டு வாரத்துக்கு வீட்டுலே NET பாக்க முடியாத கண்டிஷனல் பெர்மிஷன். ( ச்சே.. பிலாகுல எழுதுறதுக்கு சரக்கு இல்லாததுனால என்னலாம் சொல்லி சமாளிக்க வேண்டியதா இருக்கு..)

வலைப்பூ அனுபவத்தில், வித்தியாசமான நாட்களாகச் சென்றது அந்த வாரம்.

 டிஸ்கி :  ****   நாலு இலக்க வருடத்திற்கு பதிலாக.
மாசம் , வருசம் முக்கியமில்லை.. தேதி..  தேதியை மையப் படுத்தவே அப்படி..  -- இதெப்படி ?
-----------------------------------------------------